Chantai ed As laschai participar Meiringen!
Ils 21 da zercladur 2015 è il di da la musica. E quel di CHANTA L’ENTIRA SVIZRA! Il di coincida cun il davos di da la Festa svizra da chant a Meiringen. I pudess esser che Vus n’essas betg là quel di. Vha lieu questa giadaus avais dentant la pussaivladad Dad esser preschent da maniera virtuala. Co alura? Il medem di organisais Vus – cun Voss chor u sulet – in pitschen arranschament che Vus registrais. Chantai en il tren u en il bogn avert, en la partiziun da fritgs e legums dal center da cumpra, u simplamain sin la plazza communala u en Voss local d’emprova. N‘hajas nagina tema dad esser originals en l’elecziun da las chanzuns e dals lieus! Era contribuziuns fitg convenziunalas èn bainvegnidas. I n’emporta betg, saja quai in pitschen e simpel filmin cun in smartphone u ina registraziun professiunala. Vus tramettais Vossa contribuziun a l‘adressa:

Voss video vegn emess a Meiringen ils 21 da zercladur enfin las 18.00.
A chaschun da l’act final da la festa a las 18.00 èn tuts participants anc ina giada dumandads. Laschai resunar a quell’ura Vossas chanzuns, a Meiringen ed en l’entira Svizra.